33
03 მაისი 2025, 11:17
უნგრეთის პრემიერ-მინისტრმა, ვიქტორ ორბანმა ადგილობრივ რადიოსთან ინტერვიუში განაცხადა, რომ ბრიუსელს უკრაინის ევროკავშირში გაწევრიანების დაჩქარება სურს, მიუხედავად ფასისა. მან აღნიშნა, რომ ბრიუსელის გლობალისტური ფანტაზიების გამო, ეს ფასი მომავალმა თაობებმა არ უნდა იხადონ.
„ბრიუსელს უკრაინის ევროკავშირში გაწევრიანების დაჩქარება სურს, მიუხედავად ფასისა. ჩვენ ვერ მივცემთ უფლებას, რომ ბრიუსელის გლობალისტური ფანტაზიების გამო, ეს ფასი ჩვენმა შვილებმა გადაიხადონ. დროა, ოცნებების სამყაროდან გამოვიდეთ და გავაღვიძოთ ისინი, ვისაც სძინავთ. ევროპის მოქალაქეებო, დრო მიდის - მოითხოვეთ, რათა თქვენმა ლიდერებმა ხმა ამოიღონ!“, - განაცხადა ორბანმა.
მისი თქმით, ახლა არის სწორედ ის დრო, როდესაც ეს ყველაფერი უნდა შეჩერდეს, რადგან ორი ან სამი წლის შემდეგ ამის განხორციელება ბევრად რთული იქნება.
„ჩვენ თვალები არა მხოლოდ უნგრელებს უნდა ავუხილოთ, არამედ მთელი ევროპის მოქალაქეებს, რომლებიც იგივე რისკებს ეჯახებიან. ეს მხოლოდ უნგრეთის პრობლემა არ არის. არსებობენ სხვა ქვეყნებიც, რომლებიც ამის გამო დაზარალდებიან. ეს არაფერ კარგს არ მოიტანს და მოდით, გავაჩეროთ ეს ახლა“, - აღნიშნა ორბანმა.
| სარეკლამო ადგილი - 11 650 x 60 |
