19
03 მაისი 2025, 14:43
მათ არ აერთიანებთ არც იდეა, არც რაიმე სტრატეგია. მათი მთავარი მიზანი არის როგორღაც ჩაიგდონ ძალაუფლება ხელში და ჩვენს ქვეყანას მოახვიონ ის უბედურება, რომელიც გაიარა უკვე ჩვენმა საზოგადოებამ, - განაცხადა განაცხადა საპარლამენტო უმრავლესობის წევრმა, გიორგი სოსიაშვილმა თვითმმართველობის არჩევნებში მონაწილეობასთან დაკავშირებით რადიკალურ ოპოზიციაში არსებულ დაპირისპირებაზე.
„მათ არ აერთიანებთ არც იდეა, არც რაიმე სტრატეგია. მათი მთავარი მიზანი არის როგორღაც ჩაიგდონ ძალაუფლება ხელში და ჩვენს ქვეყანას მოახვიონ ის უბედურება, რომელიც გაიარა უკვე ჩვენმა საზოგადოებამ, ამიტომაც არის ასეთი დაქსაქსულობა. მათ ერთმანეთი სძულთ საშინლად იმიტომ, რომ ადამიანები, რომლებიც საკუთარ ქვეყანას ასმენენ, საკუთარი ქვეყნის დაბეზღებაზე, საკუთარი ქვეყნის ძირის გამოცლაზე ორიენტირებულები არიან, როგორც წარმოგიდგენიათ, მათ თავიანთ წრეში, თავიანთ წიაღში ერთმანეთი ეყვარებათ? მთავარი მათი იდეაფიქსი ეს არის ძალაუფლების ხელში ჩაგდება”, - განაცხადა სოსიაშვილმა.
თვითმმართველობის არჩევნებთან დაკავშირებით რადიკალურ ოპოზიციაში ისევ დაპირისპირებაა. პარტიებს ამ საკითხზე სხვადასხვა მოსაზრებები აქვთ. „ქართულ ოცნებაში“ კი ამბობენ, რომ ყველაფერი დამოკიდებულია გარე პატრონებზე და სწორედ მათ გადაწყვეტილებას დაემორჩილებიან ოპოზიციური პარტიები.
| სარეკლამო ადგილი - 11 650 x 60 |
