ბრიტანეთის, საფრანგეთის, გერმანიისა და პოლონეთის ლიდერებმა განაცხადეს, რომ რუსეთის პოზიცია უკრაინასთან მოლაპარაკებებზე მიუღებელია.

ლიდერებმა ხაზგასმით აღნიშნეს, რომ „რუსეთის პოზიცია აშკარად მიუღებელია და ეს პირველი შემთხვევა არ არის“.

მანამდე სტამბოლში უკრაინისა და რუსეთის დელეგაციების შეხვედრის შემდეგ, უკრაინის პრეზიდენტმა ვოლოდიმირ ზელენსკიმ, საფრანგეთის პრეზიდენტმა ემანუელ მაკრონმა, გერმანიის კანცლერმა ფრიდრიხ მერცმა, დიდი ბრიტანეთის პრემიერ-მინისტრმა კირ სტარმერმა და პოლონეთის პრემიერ-მინისტრმა დონალდ ტუსკმა სატელეფონო საუბარი გამართეს აშშ-ის პრეზიდენტთან, დონალდ ტრამპთან.

ვოლოდიმირ ზელენსკიმ განაცხადა, რომ უკრაინა მზად არის, რეალური მშვიდობისთვის უსწრაფესი ნაბიჯები გადადგას და მნიშვნელოვანია, რომ მსოფლიომ მყარი პოზიცია შეინარჩუნოს.