36
20 მაისი 2025, 15:35
წაგებული არჩევნების მერე მათ პირდაპირ დღის წესრიგს წარმოადგენს, რასაც ისინი მოურიდებლად პირდაპირ ეთერებში აცხადებენ, რომ რამენაირად ქვეყანაში მოახდინონ ეკონომიკური დესტაბილიზაცია და გამოიწვიონ ქვეყნის ეკონომიკური იზოლაცია, - განაცხადა საპარლამენტო უმრავლესობის წევრმა, ფრაქცია „ქართული ოცნების“ თავმჯდომარის მოადგილემ, ლევან მაჭავარიანმა.
„ევროკომისიაც ზუსტად იმავეს ადასტურებს, რაზეც ჩვენ ვსაუბრობთ, რასაც ადასტურებს მსოფლიო ბანკი, რასაც ადასტურებს საერთაშორისო სავალუტო ფონდი. ჩვენ ყველაზე მზარდი ეკონომიკა გვაქვს ევროპაში, ეს ტემპი გრძელდება, მათ 2025 წლის პროგნოზიც დადეს“, - აღნიშნა ლევან მაჭავარიანმა.
ევროკომისიის ანგარიშის და საქართველოსთან დაკავშირებული პოზიტიური ეკონომიკური პროგნოზების მიუხედავად რადიკალური ოპოზიცია რიტორიკას არ ცვლის. ანგარიშში წერია, რომ საქართველოს ეკონომიკის ზრდის ტენდენცია მომდევნო წლებში შენარჩუნდება. ასევე 2025 წლის პროგნოზის მიხედვით საქართველოს სხვა ქვეყნებზე უკეთესი მაჩვენებლები აქვს. მიუხედავად ამისა, ოპოზიცია ევროკომისიის ანგარიშში მოყვანილ დადებით მაჩვენებლებზე თვალს ხუჭავს. წარმომადგენლები ამბობენ, რომ ამ ანგარიშით კიდევ ერთხელ დადასტურდა, რომ ოპოზიციური ფლანგის მოსაზრებები ეკონომიკის რღვევასთან დაკავშირებით მოგონილია.
| სარეკლამო ადგილი - 11 650 x 60 |
