დავით ქართველიშვილი რადიკალებზე: წლების განმავლობაში მათ პოლიტიკურ აქტივობას ასაზრდოებდა ამა თუ იმ ფონდებიდან, საერთაშორისო ორგანიზაციებიდან შემოსული ფულის ნაკადი
სარეკლამო ადგილი - 10
650 x 60
45 21 მაისი 2025, 19:02
წლების განმავლობაში მათ პოლიტიკურ აქტივობას ასაზრდოებდა ამა თუ იმ ფონდებიდან, საერთაშორისო ორგანიზაციებიდან შემოსული ფულის ნაკადი, - განაცხადა გადაცემა „დღის ქრონიკაში“ „ხალხის ძალის“ წევრმა დავით ქართველიშვილმა.

მისივე თქმით, თვითმმართველობის არჩევნებში მონაწილეობასთან დაკავშირებით რადიკალური ოპოზიცია გაიყოფა.

„წლების განმავლობაში მათ პოლიტიკურ აქტივობას ასაზრდოებდა ამა თუ იმ ფონდებიდან, საერთაშორისო ორგანიზაციებიდან შემოსული ფულის ნაკადი. დღეს, თუ დაეჯერება, ხაზს ვუსვამ, თუ დაეჯერება თეთრი სახლის ახალი ადმინისტრაციის მიდგომას USAID-ის, NED-ის თუ სხვა ფონდების ხაზით ამ თანხების გაფლანგვას ყელზე ფეხი დააჭირონ, მაშინ მათ არანაირი პერსპექტივა არ რჩებათ ამ ქვეყანაში. ფინანსური მოტივაციაც კი არ რჩებათ დარჩნენ თავიანთ დესტრუქციულ და რადიკალურ მდგომარეობაში.

მერამდენედ, ეს ხომ არაერთხელ გვინახავს, მათი კატეგორიული უარი პარლამენტში შემოსვლაზე და შემდეგ მაინც შემოდიოდნენ პარლამენტში. ახლაც ნაწილი გაიყოფა, მართლა გაიყოფა. ნაწილს, უბრალოდ რესურსიც კი არ აქვს მუნიციპალურ არჩევნებში მონაწილეობის მიღებაზე, მაგრამ ნაწილი, რომელიც ჩვენ დღემდე გვარწმუნებს იმაში, რომ ეს ხელისუფლება არალეგიტიმურია, არჩევნები იქნება არალეგიტიმური, ისინი მშვენივრად მიიღებენ მონაწილეობას 4 ოქტომბრის არჩევნებში. ამასაც დავინახავთ. არანაირი პრინციპები მათ არ გააჩნიათ. ისივე, როგორც მათ არ გააჩნიათ არანაირი პროგრამა და მე უბრალოდ მაინტერესებს, საპარლამენტო საგამოძიებო კომისიის მუშაობის მიმდინარეობის ფონზე, როდესაც ყოველდღე ხდება იმ რეჟიმის და ამ ე.წ. ოპოზიციის მხილება საშინელ დანაშაულში, ისეთ ფაქტებს და ისეთ ეპიზოდებს ვიხსენებთ, რომელიც ზოგს დავიწყებული ჰქონდათ, ზოგის შესახებ არ ვიცოდით და პირველად გვესმის, ამ ყველაფრის ფონზე, როდესაც მთელი ქვეყანა უყურებს ამ კომისიის პირდაპირ გადმოცემებს, რა პროგრამით უნდა წარდგნენ მოსახლეობის წინაშე. გინდაც თბილისში და გინდაც რეგიონებში.

რა უნდა თქვან, რა უნდა აღიარონ, როდესაც გამბედაობაც კი არ ჰყოფნის, რომ სხვის მიერ ჩადენილ დანაშაულზე ამათმა მაინც თქვან უარი. ეს არის კოლექტიური პასუხისმგებლობა, რომელსაც ვერ გაექცევიან“, - აღნიშნა დავით ქართველიშვილმა.
სარეკლამო ადგილი - 11
650 x 60
დავით ქართველიშვილი ბლეიზ მეტრეველზე: ჩვენ თვალს ვადევნებთ არა სიმბოლურ დანიშვნას, არამედ თვით დაზვერვის ბუნების შეცვლას
ნიკოლოზ მეტრეველი ევროკავშირის ელჩს: ძვირფასო პაველ, ხშირად სტუმრობთ ადგილობრივ კაფეებს, ისევე როგორც მე და სინამდვილეში ხაჭაპურს გჩუქნიან კი არა, გამარჯობასაც ზრდილობისთვის გეუბნებიან, ხოლო, ზურგს უკან რასაც ფიქრობენ იმას ვერ გეტყვი
ზაალ ანჯაფარიძე აშშ-სა და ევროპის ქვეყნებში საგამოძიებო კომისიაზე გამოუცხადებლობისთვია სასჯელზე: თავად განსაჯეთ, რას ემსახურებოდა „შიგევროპული" ოპოზიციის ლიდერების კომისიაზე არგამოცხადება - ეს პოლიტიკური ცირკიც ჩაუვარდათ
ბაჩო ოდიშარია აშშ-ის ყოფილ პრეზიდენტზე: „დიფ სთეითის“ წნეხი და გავლენები ეიზენჰაუერმა საკუთარ თავზე გამოცადა და ღიად გააფრთხილა მსოფლიო მისგან თავი დაეცვათ
ზურაბ ქადაგიძე: თემა აღარ აქვთ და ახალი „ფეიკი“ გამოაცხვეს, თითქოს მიშა მესხი კულტურის საკითხებში პრეზიდენტის მრჩევლად დაინიშნა
არქივი