მარკო რუბიომ საქართველოს შესახებ ჯო უილსონის კითხვას უპასუხა
სარეკლამო ადგილი - 10
650 x 60
51 21 მაისი 2025, 20:07

აშშ-ის სახელმწიფო მდივანმა, მარკო რუბიომ საქართველოში განვითარებულ მოვლენებზე კონგრესმენ ჯო უილსონის მიერ დასმულ კითხვას უპასუხა.

ჯო უილსონი: ტრამპის ადმინისტრაციის მადლობელი ვარ მტკიცე პოზიციის გამო, რომელიც აქვს ანტიამერიკული „ქართული ოცნების“ მთავრობის მიმართ. მათ გააყალბეს არჩევნები საქართველოში. ისინი ლანძღავდნენ პრეზიდენტ ტრამპსა და ამერიკის ხელმძღვანელობას. წარმოგიდგენთ რონდელის ფონდის ანგარიშს, რომელიც მიუთითებს ჩინეთის კომუნისტური პარტიის კონტროლზე საქართველოში. 200 დღეა, თავისუფლების მოყვარე ქართველები ყოველდღე გმირულად გამოდიან ქუჩაში, უჭირავთ ამერიკის დროშები, თან ატარებენ პრეზიდენტის ფოტოებს. თქვენი ხელმძღვანელობით, რა იქნება გაკეთებული, რათა სახელმწიფო დეპარტამენტმა ნამდვილი ფასი გადაახდევინოს ანტი-ამერიკულ „ქართულ ოცნებას“ ქართველი ხალხის სახელით?

მარკო რუბიო: აშშ-ის მიზნები, ჩვენი ეროვნული ინტერესებია. არის ჩვენი ინტერესი, რომ არსებობდეს ანტიამერიკული მთავრობა, რომელიც ხელისუფელბაშია მსოფლიოს მნიშვნელოვან რეგიონში? და თუ არა, ჩვენ მივიღებთ შესაბამის ზომებს, რათა ამ მთავრობამ ფასი გადაიხადოს. ეს საკითხი განხილვის პროცესშია და ჩვენ განვიხილავთ ვარიანტებს, დამატებით ვარიანტებს. დღეს არ მაქვს განცხადება, რას ვგეგმავთ. თუმცა, შემიძლია გითხრათ, რომ ეს არის საკითხი, რომელიც განიხილება. ეს კარგი მაგალითია იმისა, თუ რატომ ვაპირებთ მივმართოთ ჩვენს რეგიონულ ბიუროებსა და ადგილობრივ ოფისებს ადგილზე, რათა მათ მოგვცენ რეკომენდაციები იმის შესახებ, თუ ყველაზე მეტად რა ზომებზე ექნება ანტიამერიკულ მთავრობას რეაგირება.

სარეკლამო ადგილი - 11
650 x 60
ნინო ბურჭულაძე - ,,ფიტარეთის სამონასტრო კომპლექსი ტყის საფარისგან სრულად გაწმენდილია"
შსს-ს ცნობით, პოლიციამ საჯარო მოსამსახურეზე თავდასხმის ბრალდებით ერთი პირი დააკავა
პრემიერ-მინისტრი აშშ-სა და უნგრეთში ახლად დანიშნულ ელჩებს და ევროპის საბჭოში საქართველოს ახალ მუდმივ წარმომადგენელს შეხვდა
ნეთანიაჰუს განცხადებით, მათი მიზანი ირანში არა რეჟიმის შეცვლა, არამედ ბირთვული და ბალისტიკური საფრთხეების შეჩერებაა
პროკურატურამ ჯგუფურად ჩადენილი განსაკუთრებით დიდი ოდენობით ნარკოტიკული საშუალების უკანონო შეძენის, შენახვის და რეალიზაციის მცდელობის ფაქტზე დაკავებულებს ბრალდება წარუდგინა
არქივი