აშშ-ის სახელმწიფო მდივნის, მარკო რუბიოს განცხადებით, შესაძლოა, ისინი არ ეთანხმებოდნენ ქვეყნების მმართველობის სისტემას, მაგრამ მათ უნდა ჰქონდეთ ურთიერთობა ამ ქვეყნებთან ეროვნული ინტერესებიდან გამომდინარე.
ამის შესახებ მარკო რუბიომ კონგრესის წარმომადგენელთა პალატის საგარეო საქმეთა კომიტეტის წინაშე სიტყვით გამოსვლისას განაცხადა.
რუბიოს ჰკითხეს, რას ფიქრობდა აზერბაიჯანში ადამიანთა უფლებებების მდგომარეობის გაუარესების შესახებ.
„შესაძლოა, არ ვეთანხმებოდეთ მმართველობის სისტემას. შესაძლოა, გვსურდეს, რომ ის განსხვავებული იყოს, მაგრამ სიმართლე ისაა, რომ ჩვენ უნდა ვიქონიოთ ურთიერთობა ქვეყნებთან, რომლებსაც შესაძლოა, არ ჰქონდეთ იდეალური მოდელები, მაგრამ ჩვენ უნდა ვიურთიერთოთ მათთან ჩვენი ეროვნული ინტერესებიდან გამომდინარე და უნდა დავაბალანსოთ ყველა ეს საკითხი ერთად, ჩვენი ეროვნული ინტერესები და დიპლომატია და იმ შესაძლებლობების მოძიება, რომლებიც ხელს შეუწყობს ისეთი ინტერესების წინ წაწევას, როგორიცაა ადამიანის უფლებები. და აზერბაიჯანი გვაძლევს ამის გაკეთების შესაძლებლობას იმ უფრო ფართო მშვიდობის კონტექსტში, რომლის დამყარებასაც ვცდილობთ“, – აღნიშა რუბიომ.
| სარეკლამო ადგილი - 11 650 x 60 |
