ხორვატიის პრეზიდენტი ზორან მილანოვიჩი, საქართველოს პრეზიდენტს, მიხეილ ყაველაშვილის დამოუკიდებლობის დღეს ულოცავს.

პრეზიდენტისადმი გამოგზავნილ წერილში ზორან მილანოვიჩი, ყურადღებას ამახვილებს საქართველოსა და ხორვატიას შორის არსებულ კავშირებზე და ურთიერთობების გაღრმავების პერსპექტივებზე.

„ბატონო პრეზიდენტო, ხორვატი ხალხისა და ჩემი სახელით, გულთბილად გილოცავთ საქართველოს დამოუკიდებლობის დღეს. გისურვებთ წარმატებას, წინსვლასა და კეთილდღეობას თქვენ და თქვენს მოქალაქეებს.

იმედს გამოვთქვამ, რომ ხორვატიასა და საქართველოს შორის ორმხრივი ურთიერთობების მომავალში უფრო განმტკიცდება და გაღრმავდება.

გიდასტურებთ ჩემს პატივისცემას,“ - ნათქვამია ზორან მილანოვიჩის მისალოც წერილში.

ინფორმაციას საქართველოს პრეზიდენტის ადმინისტრაცია ავრცელებს.