ანკარაში „ტყუპებად“ წოდებული თურქეთის პალატებისა და ბირჟების გაერთიანების „TOBB“ შენობა საქართველოს დროშის ფერებში განათდა, - ინფორმაციას საზღვარგარეთ საქართველოს დამოუკიდებლობის დღის აღსანიშნავი ღონისძიებებისა და აქტივობების შესახებ საქართველოს საგარეო საქმეთა სამინისტრო ავრცელებს.

„საქართველოს საელჩოს ინიციატივითა და თურქეთის რესპუბლიკის საგარეო საქმეთა სამინისტროს მხარდაჭერით, საქართველოს დამოუკიდებლობის დღის აღსანიშნავად, ანკარაში საქართველოს დროშის ფერებში განათდა ანკარის ერთ-ერთი სიმბოლო „ტყუპებად“ წოდებული თურქეთის პალატებისა და ბირჟების გაერთიანების „TOBB“ შენობა“, - აღნიშნულია გავრცელებულ ინფორმაციაში.