18
29 მაისი 2025, 17:36
პანდემიის დაძლევაში, კლიმატის დაცვისა და ევროკავშირის ერთობის მხარდაჭერაში შეტანილი წვლილისთვის ევროკომისიის პრეზიდენტს, ურსულა ფონ დერ ლაიენს კარლოს დიდის პრემია მიენიჭა.
დაჯილდოების ცერემონია გაიმართა 2025 წლის 29 მაისს, გერმანიის ქალაქ აჰენში. ღონისძიებაზე სიტყვით გამოვიდნენ გერმანიის კანცლერი ფრიდრიხ მერცი და ესპანეთის მეფე ფელიპე VI. მერცმა აღნიშნა:
„შენ აძლევ ევროპას ხმას მსოფლიოში, ევროპულ ხმას.“
მეფე ფელიპე VI-მ კი ხაზი გაუსვა ევროკავშირის ერთობის მნიშვნელობას და აღნიშნა, რომ მხოლოდ ქვეყნების მჭიდრო თანამშრომლობა უზრუნველყოფს მათ ძალასა და დამოუკიდებლობას.
კარლოს დიდის პრემია მიენიჭა ფონ დერ ლაიენს მისი წვლილისთვის კორონავირუსის პანდემიასთან ბრძოლაში, რუსეთის სამხედრო აქტივობის შეკავებაში და ევროკავშირის „მწვანე შეთანხმების“ წინსვლაში, რომელიც მიზნად ისახავს კლიმატური ნეიტრალიტეტის მიღწევას 2050 წლისთვის.
აღსანიშნავია, რომ 2025 წელს პრემია პირველად დაემატა ფულადი ჯილდო – 1 მილიონი ევრო, რომელიც მიმართული იქნება პროევროპული პროექტების დაფინანსებაზე.
| სარეკლამო ადგილი - 11 650 x 60 |
