ჩემპიონთა ლიგის ფინალში „პარი სენ-ჟერმენის“ გამარჯვების შემდეგ, საფრანგეთის რამდენიმე ქალაქში არეულობა დაიწყო. ამის შესახებ ინფორმაციას „ლე ფიგარო“ ავრცელებს. პსჟ-სა და მილანის „ინტერს“ შორის მატჩი მიუნხენში გაიმართა, თუმცა ფინალს პსჟ-ს მოედანზე, პარიზში, „პარკ დე პრენსზე“ დიდ ეკრანზე დაახლოებით 48 000 გულშემატკივარი ადევნებდა თვალს.
დილის მონაცემებით, ღამის განმავლობაში ვანდალიზმის ბრალდებით, სულ მცირე, 427 ადამიანი დააკავეს.
ფრანგმა სამართალდამცველებმა შანზ-ელიზეზე მდებარე სპორტული ფეხსაცმლის მაღაზია Foot Locker-ის გულშემატკივრების დასაშლელად ცრემლსადენი გაზი გამოიყენეს.
არეულობა საფრანგეთის სხვა ქალაქებშიც დაფიქსირდა. გრენობლში მანქანა გულშემატკივრების ბრბოში შევარდა, რის შედეგადაც ოთხი ადამიანი დაშავდა. მძღოლი პოლიციას ჩაბარდა. ასევე გავრცელდა ინფორმაცია ერთი გარდაცვლილის შესახებაც. სამხრეთ-დასავლეთ ქალაქ დაქსში 17 წლის ბიჭი დანით მიყენებული ჭრილობებით გარდაიცვალა. მკვლელობის მიზეზი უცნობია დამნაშავეს ჯერ კიდევ ეძებენ.
| სარეკლამო ადგილი - 11 650 x 60 |
