76
04 ივნისი 2025, 13:14
უკრაინის ხელისუფლება ოპერაციას „ობობას ქსელი“, რა დროსაც რუსეთის სტრატეგიული ბომბდამშენები განადგურდა, საიდუმლო რეჟიმში ამზადებდა, ვინაიდან იცოდა, რომ აშშ ამის წინააღმდეგი იქნებოდა. ინფორმაციას The New York Times-ი საკუთარ წყაროებზე დაყრდნობით ავრცელებს.
ამერიკელი ოფიციალური პირებისა და სამხედროების განცხადებით, უკრაინა, რომელმაც რუსეთის სიღრმეში აეროდრომებს უპილოტო საფრენი აპარატებით თავს დაესხა, XXI საუკუნეში ომის მართვის სტრატეგიას ცვლის.
ამერიკელმა ჩინოვნიკებმა გამოცემას დაუდასტურეს, რომ უკრაინას აშშ-ის პრეზიდენტის, დონალდ ტრამპის ადმინისტრაცია წინასწარ არ გაუფრთხილებია. როგორც The New York Times-ი აღნიშნავს, ოპერაციის საიდუმლოება ამერიკელი ჩინოვნიკებისთვის უჩვეულო არ არის, რადგან ნებისმიერი ინფორმაციის გაჟონვა მასში ჩართული ადამიანების სიცოცხლეს შეუქმნიდა საფრთხეს.
როგორც The New York Times-ი წერს, უკრაინა ყოველთვის ზრუნავდა ოპერატიულ უსაფრთხოებაზე, განსაკუთრებით მას შემდეგ, რაც ტრამპის ადმინისტრაციის ჩინოვნიკებმა Signal-ის ჩატში იემენელ „ჰუსიტებზე“ თავდასხმის დეტალები გაახმოვანეს. გარდა ამისა, დღეს უკრაინა და აშშ რუსეთზე დარტყმებს ერთობლივად არ გეგმავენ.
ამერიკელმა ჩინოვნიკებმა, აგრეთვე აღნიშნეს, რომ უკრაინელებს ესმოდათ, რომ რუსეთის სტრატეგიული ბომბდამშენები ამერიკისთვის აკრძალული მიზანი იყო.
| სარეკლამო ადგილი - 11 650 x 60 |
