101
04 ივნისი 2025, 18:38
ეს რეზოლუცია თუ ნებისმიერი განცხადება უცხოეთიდან იმაზე მეტყველებს, რომ ეს ხალხი ვითომ პოლიტიკოსებად და „ენჯეოშნიკებად“ წოდებულები, თავიდან ბოლომდე ჩამოკიდებულები არიან მათ უცხოელ პატრონებზე, - განაცხადა მედიასთან პარტია „ხალხის ძალის“ აღმასრულებელმა მდივანმა, გურამ მაჭარაშვილმა ევროპარლამენტის რეზოლუციასთან დაკავშირებით.
მისი თქმით, ეს რეზოლუცია იმის დამადასტურებელია, რომ ოპოზიცია იმას გააკეთებს, რასაც დასავლეთი ეტყვის.
„ეს მაგალითია იმის, როდესაც რეზოლუციის სახით თუ ნებისმიერი ფორმატით, რასაც ეტყვიან ის უნდა გააკეთონ. მაგრამ პრობლემა იმაშიც არის, რომ „ნაცმოძრაობა“ თავისი ფილიალებით დაყოფილი ოთხი თუ ხუთი თუ ექვსი ფილიალით ვერაფერზე ვერ თანხმდება. ეს რეზოლუცია თუ ნებისმიერი განცხადება უცხოეთიდან იმაზე მეტყველებს, რომ ეს ხალხი ვითომ პოლიტიკოსებად და „ენჯეოშნიკებად“ წოდებულები, თავიდან ბოლომდე ჩამოკიდებულები არიან მათ უცხოელ პატრონებზე. აქედან გამომდინარეა, რომ უნდობლობა მათ მიმართ ყოველ დღიურად იზრდება ქართულ საზოგადოებაში“, - განაცხადა გურამ მაჭარაშვილმა.
ევროპარლამენტმა საქართველოსთან დაკავშირებით ყოველწლიური ანგარიშის შესახებ რელიზი გაავრცელა, სადაც 2025 წლის ადგილობრივი თვითმმართველობის არჩევნებზეც არის საუბარი.
კერძოდ, ევროპარლამენტარები ფიქრობენ, რომ მოახლოებული არჩევნები საქართველოს დემოკრატიისა და პოლიტიკური პლურალიზმის მედეგობის მორიგი გამოცდაა და მოუწოდებენ ოპოზიციურ პარტიებს გამოიყენონ ეს შესაძლებლობა.
| სარეკლამო ადგილი - 11 650 x 60 |
