გაერო-ს გენერალური მდივანი ანტონიუ გუტერეში ირან-ისრაელის კონფლიქტის გაფართოების საფრთხეებზე საუბრობს და როგორც უშუალო, ისე პოტენციურ მხარეებს მოუწოდებს, მშვიდობას შანსი მისცენ.

„ამ კონფლიქტის გაფართოებამ შესაძლოა, გააჩაღოს ცეცხლი, რომლის გაკონტროლებასაც ვეღარავინ შეძლებს“, – განაცხადა გუტიერეშმა გაერო-ს უშიშროების საბჭოს სხდომაზე.

როგორც გურტერეშმა აღნიშნა, ირანის მიმართ უნდობლობა არსებობს.

„ირანმა არაერთხელ განაცხადა, რომ არ მიისწრაფვის ბირთვული შეიარაღებისკენ, მაგრამ მოდით, ვაღიაროთ, რომ არსებობს უნდობლობა. მოგმართავთ, დაასრულოთ ეს ბრძოლა და დაუბრუნდეთ სერიოზულ მოლაპარაკებებს“, – განაცხადა გაერო-ს გენერალურმა მდივანმა.