90
21 ივნისი 2025, 16:20
ყველა იმ ადამიანმა, ვინც უარი თქვა საკანონმდებლო ორგანოში და საგამოძიებო კომისიაზე გამოცხადებაზე, თვითონ აირჩია კანონისადმი უპატივცემულობა და შესაბამისად, თვითონ განსაზღვრეს, რომ მიეღოთ შესაბამისი სასჯელი, - განაცხადა „ხალხის ძალის“ ლიდერმა, პარლამენტის დროებითი საგამოძიებო კომისიის მდივანმა სოზარ სუბარმა. მან ამგვარად შეაფასა ოპოზიციის ზოგი ლიდერი მიერ კომისიის სხდომებზე არგამოცხადების ფაქტები.
„ყველა იმ ადამიანმა, ვინც უარი თქვა საკანონმდებლო ორგანოში და საგამოძიებო კომისიაზე გამოცხადებაზე, თვითონ აირჩია კანონისადმი უპატივცემულობა და შესაბამისად, თვითონ განსაზღვრეს, რომ მიეღოთ შესაბამისი სასჯელი. სასჯელი რა იქნება, სასამართლო გადაწყვეტს. როცა ადამიანებმა თქვეს, რომ „ჩვენ გირაოს არ გადავიხდით“, ამით პირდაპირ გამოხატეს უპატივცემულობა უკვე მეორედ და სასამართლოს გადაწყვეტილების მიმართ. ამ შემთხვევაში მათ სასამართლოს სხვა გზა არ დაუტოვეს, ვიდრე იქნებოდა აღკვეთის ღონისძიებად პატიმრობის გამოყენება. რა იქნება საბოლოო სასჯელი - ჯარიმა, თანამდებობის დაკავების აკრძალვა თუ პატიმრობა, ამას სასამართლო გადაწყვეტს“, - განაცხადა სუბარმა.
ჯარიმა, სისხლის სამართლებრივი დევნა, პატიმრობა - ასეთია საპარლამენტო კომისიაზე გამოუცხადებლობის გამო სასჯელის დაკისრების პრაქტიკა შეერთებულ შტატებსა და ევროპულ ქვეყნებში - კომისიის მოთხოვნის შეუსრულებლობა სერიოზულ დარღვევად მიიჩნევა.
| სარეკლამო ადგილი - 11 650 x 60 |
