ვერ გაგვტეხავენ. უმსგავსობა, რასაც ახლა აკეთებს ბიძინა ივანიშვილი, დამთავრდება მისი ხელისუფლების გასტუმრებით, ეს არის გამიზნული, რომ ხელები ჩამოვყაროთ, ადამიანებს უიმედობა დაეუფლოთ. პირიქით, ამან უნდა მოგვცეს დამატებითი ძალა, – ამის შესახებ „ლელოს“ ერთ-ერთმა, ლიდერმა, ბადრი ჯაფარიძემ განაცხადა.
მისი თქმით, ვერანაირი საპატიმრო, ვერანაირი გადაწყვეტილება ვერ შეაცვლევინებს მტკიცე გადაწყვეტილებას.
„ვიბრძოლოთ ჩვენი ქვეყნის თავისუფლებისთვის და ჩვენი ქვეყნის ევროპული მომავლისთვის, ამიტომ ყველას უნდა ესმოდეს, უიმედობის დრო არ არის, პირიქით, გაერთიანების დროა. დარაზმვის დროა. დროა, ყველა აღივსოს იმედით, რომ ამ ქვეყანას აუცილებლად ექნება ბრწყინვალე მომავალი და ქართველი ხალხი გაიმარჯვებს. ადამიანები, რომლებიც ასრულებენ ბიძინა ივანიშვილის დავალებას, გადაიხდიან სათანადო საფასურს. ჩემს ამომრჩევლებს ვეტყვი, რომ ყველა იყავით მობილიზებული, არავინ გაბედოს უიმედობა. ეს ხელისუფლება არის დასუსტებული. ციხეში გამოკეტვაზე უნდა ვუპასუხოთ ერთიანობით და ერთიანი ბრძოლით, რადგან მათ იციან, რომ მხარდაჭერა საზოგადოებაში არა აქვთ. ვერავინ აღუდგება წინ ქართველი ხალხის ნებას, თუ ჩვენ ერთიანები ვიქნებით“, – განაცხადა ჯაფარიძემ.
სასამართლომ ბადრი ჯაფარიძეს რვა თვით პატიმრობა შეუფარდა და ორი წლით თანამდებობის დაკავება აუკრძალა.
| სარეკლამო ადგილი - 11 650 x 60 |
