თეთრი სახლის პრესმდივანმა, ქეროლაინ ლივიტმა განაცხადა, რომ აშშ-სა და ირანს შორის მოლაპარაკებების კონკრეტული თარიღი ჯერ განსაზღვრული არ არის, თუმცა მიმდინარეობს მუშაობა, რომ შეხვედრა შედგეს.

„ამ მომენტისთვის არაფერი გვაქვს დაგეგმილი”, – განაცხადა ლივიტმა ჟურნალისტებთან და აღნიშნა, რომ ადმინისტრაცია განაგრძობს „მჭიდრო კომუნიკაციას“ ირანელებთან და შუამავალი ქვეყნებთან, მათ შორის კატარის წარმომადგენლებთან.

„ჩვენ გვაქვს კონტაქტი და თუ შეხვედრა იქნება, შეგვატყობინებთ, როგორც ყოველთვის ვაკეთებთ ხოლმე“, – განაცხადა ლივიტმა.

მანამდე, აშშ-ის პრეზიდენტმა, დონალდ ტრამპმა განაცხადა, რომ აშშ და ირანი ერთმანეთს მომავალ კვირაში შეხვდებიან.