საინტერესოა, როდის დადგება მომენტი, როცა 4-ის, 5-ის, 9-ის, 25-ის ამომრჩეველი მიხვდება, რომ ბრძოლის ნაცვლად, იაფფასიან სპექტაკლში იღებს მონაწილეობას, – ამის შესახებ „გირჩის“ წევრი, ალექსანდრე რაქვიაშვილი სოციალურ ქსელში წერს.

რაქვიაშვილმა აღნიშნული პოსტი დაწერა მას შემდეგ, რაც სალომე ზურაბიშვილმა რუსთაველის გამზირზე შეკრებილ აქციის მონაწილეებს მიმართა.

„გეგმა მალე იქნება“, „გეგმა არაა“, „გეგმა ვართ ჩვენ“, „გეგმა არის ერთობა“.

ისე, საინტერესოა, როდის დადგება ის მომენტი, როცა 4-5-9-25-ის ამომრჩეველი მიხვდება, რომ ბრძოლის ნაცვლად, იაფფასიან სპექტაკლში იღებს მონაწილეობას? რამდენი უშინაარსო გამოსვლა, „ბრძოლის ფაზა“ და „მარშია“ საჭირო, რათა დაინახოს, რომ სადღაც შეცდომა დაუშვა, არასწორი მიმართულებით წავიდა და დროა, რაღაც შეცვალოს? ან საერთოდ არის ამის შანსი?“, – წერს ალექსანდრე რაქვიაშვილი.

საქართველოს ყოფილმა პრეზიდენტმა, სალომე ზურაბიშვილმა რუსთველის გამზირზე მიმდინარე აქციაზე სიტყვით გამოსვლისას განაცხადა, რომ გეგმა არის ერთობა. „ვიღაცებს უნდათ, გაუთავებლად მე მთხოვონ რაღაც არარსებული გეგმა. გეგმა არის ერთობა და გეგმა იქნება ხვალ, ზეგ ერთობა, ვიდრე ჩვენ ვერ მივაღწევთ შედეგს და შედეგი სახეზეა. შედეგი არის ის, რომ „ქართულ ოცნებაში“ დაიწყო ჩამოშლა“, – აღნიშნა სალომე ზურაბიშვილმა.