პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარე მარიამ ლაშხი ეუთოს საპარლამენტო ასამბლეის სხდომას ეხმაურება.
„ეუთოს საპარლამენტო ასამბლეა არის ზუსტი დემონსტრირება იმისა, თუ რა ხდება ჩვენს ქვეყანაში, მსოფლიოს მხრიდან და საერთაშორისო ჩარევების კუთხით საქართველოში. ერთის მხრივ, მან, ვინც უშუალოდ იყო არჩევნების მონაწილე, მკაფიოდ განაცხადა, რომ არჩევნები ჩატარდა ძალიან კარგ გარემოში. არჩევნების შედეგებში არის ზუსტად გამოხატული მოსახლეობის ნება, ეს არის ეუთო/ორიდის დაკსვნაც მათ შორის, მეორეს მხრივ ჩვენ ვხედავთ ისეთ კომიკურ პირებს, როგორიც არის ჯო უილსონი“, - განაცხადა ლაშხმა.
ეუთოს გენმდივანმა გუშინდელ სხომაზე განაცხადა: „ოდირმა დაწერა ანგარიში, სადაც წერია, რომ არჩევების შედეგები ასახავდა ამომრჩეველთა ნებას. საქართველოს პარლამენტში ოპოზიციას გქონდეს 40%-იანი წარმომადგენლობა და არ იყენებდე, ნიშნავს, რომ უსამართლოდ ეპყრობი ამომრჩეველს“.
განცხადება გააკეთა შვეიცარიის დელეგაციის ხელმძღვანელმაც. დანიელ ფესლერმა განაცხადა: „არჩევნებზე სადამკვირვებლო მისიის წევრი ვიყავი. არჩევნების მეორე დღეს დამკვირვებლები შევიკრიბეთ და დავასკვენით, რომ არჩევნები იდეალურად იყო ორგანიზებული და არანაირი დარღვევა არ მომხდარა“.
| სარეკლამო ადგილი - 11 650 x 60 |
