სომეხთა კათალიკოსმა, გარეგინ მეორემ ნიკოლ ფაშინიანის მთავრობა ეკლესიის საწინააღმდეგო პოლიტიკაში დაადანაშაულა.
მისი თქმით, ეს პოლიტიკა სომხეთის სახელმწიფოებრიობას ემუქრება.
„ეკლესიის საწინააღმდეგო კამპანია სერიოზულ საფრთხეს უქმნის ჩვენი ქვეყნის სახელმწიფოებრიობას, ხალხის ერთობას, დარტყმებს აყენებს ჩვენი ქვეყნის კეთილს სახელს და სომხეთის ეკლესიას“, – ნათქვამია სომეხთა კათალიკოსის განცხადებაში.
როგორც გარეგინ მეორემ აღნიშნა, ხელისუფლება ცდილობს, ეკლესიის საწინააღმდეგო ქმედებები წარმოადგინოს როგორც ნაბიჯები, რომლებიც მხოლოდ ზოგიერთი მღვდელმსახურის წინააღმდეგაა გადადგმული. მისივე თქმით, ნათელია, რომ ეს ნაბიჯები ატარებს სისტემურ ხასიათს და მიმართულია ეკლესიის წინააღმდეგ.
ცნობისთვის, სომხეთის პრემიერ-მინისტრი ნიკოლ ფაშიანიანი სომეხთა კათოლიკოსს ხშირად ქორწინების აღთქმის დარღვევაში სდებს ბრალს და მის გადადგომის ითხოვს. ფაშინიანი აცხადებს, რომ „სომხეთის სამოციქულო ეკლესია ანტიქრისტიანულ, დოგმატურ, ანტიეროვნულ და ანტისახელმწიფოებრივ ჯგუფს აქვს დაკავებული და ის უნდა გათავისუფლდეს“
7 ივლისს სომხეთის მთავრობის მეთაურმა განაცხადა, რომ გარეგინ მეორე თუ მიიჩნევს, რომ სახელმწიფო გადატრიალების ორგანიზებასა და ხელისუფლების ხელში ჩაგდებისკენ მოწოდებების გაკეთებაში ბრალდებული არქიეპისკოპოსების დაკავება უკანონოა, მაშინ ის „იზიარებს მათ იდეოლოგიას და სომხეთში სამხედრო გადატრიალების მოწყობისა და ქაოსის შექმნის გეგმებს“.
ივნისის ბოლოს სომხეთის საგამოძიებო კომიტეტმა დააკავა სომეხთა სამოციქულო ეკლესიის არქიეპისკოპოსი ბაგრატ გალსტანიანია, რომელსაც სახელმწიფოს ხელში ჩაგდების მიზნით ტერორისტული აქტების მომზადებაში ადანაშაულებენ. ამავე მიზნით, საჯარო მოწოდებების გაკეთების ბრალდებით დაკავებულია ასევე შირაკის არქეისკოპოსი მიქაელ აჯაპაჰიანი.
| სარეკლამო ადგილი - 11 650 x 60 |
