დამატებით ნაპოვნია კიდევ ერთი გარდაცვლილი, ნგრევისას სამწუხაროდ, გარდაიცვალა ორი ადამიანი, - განუცხადა ჟურნალისტებს თბილისის პოლიციის დეპარტამენტის დირექტორმა ვაჟა სირაძემ.

„ინტენსიურად გრძელდება სამუშაოები, ნაპოვნია კიდევ  ერთი გარდაცვლილი. როგორც თავიდანვე მოგახსენეთ, ერთი გარდაცვლილი იყო, ახლა დაემატა კიდევ ერთი გარდაცვლილი. ვაგრძელებთ სამუშაოებს. შესაბამისად, დამატებით მოგახსენებთ სხვა დეტალებზე“, - აღნიშნა მან.

„სადგურის მოედნის“ მიმდებარე ტერიტორიაზე, საცხოვრებელ კორპუსში ნგრევა მოხდა, მიმდინარეობს საძიებო-სამაშველო ღონისძიებები.