ირაკლი ბენდელიანი - მინდა, მოვუწოდო მოსახლეობას, სადგურის მოედნის მიმდებარე ტერიტორიაზე მომხდარი მძიმე ფაქტი კარგად გავიაზროთ და რასაც მერია სთავაზობს მოსახლეობას, დავთანხმდეთ ამ ყველაფერს
სარეკლამო ადგილი - 10
650 x 60
24 15 ივლისი 2025, 00:26

კიდევ ერთხელ მინდა, მოვუწოდო მოსახლეობას, რომ სადგურის მოედნის მიმდებარე ტერიტორიაზე მომხდარი მძიმე ფაქტი ყველამ კარგად გავიაზროთ და რასაც მერია და მუნიციპალიტეტი სთავაზობს მოსახლეობას, მაქსიმალურად დავთანხმდეთ ამ ყველაფერს, – ამის შესახებ ჟურნალისტებს თბილისის მერის მოადგილე ირაკლი ბენდელიანმა განუცხადა.

მისი თქმით, სამწუხაროდ დადასტურდა სადგურის მოედნის მიმდებარე ტერიტორიაზე ნგრევის შედეგად კიდევ ერთი ადამიანის დაღუპვა. ირაკლი ბენდელიანმა გარდაცვლილის ოჯახს სამძიმარი გამოუცხადა.

თბილისის მერის მოადგილის თქმით, აქტიური კომუნიკაცია მიმდინარეობს კორპუსში მცხოვრებ თითოეულ ოჯახთან.

„უკვე დავიწყეთ მოსახლეობის გაყვანა სასტუმროებში. კიდევ ერთხელ მინდა, მოვუწოდო მოსახლეობას, რომ ეს მძიმე ფაქტი ყველამ კარგად გავიაზროთ და რასაც მერია და მუნიციპალიტეტი სთავაზობს მოსახლეობას, მაქსიმალურად დავთანხმდეთ ამ ყველაფერს. როდესაც ავარიულია შენობა-ნაგებობა და როდესაც საქმე ეხება ადამიანის სიცოცხლეს, ყველა კიდევ უფრო მეტი პასუხისმგებლობით მივუდგეთ ამ ყველაფერს. მით უმეტეს, იმ ფონზე, როდესაც დედაქალაქის მერია ყველას სთავაზობს, ყოველგვარი დანახარჯის გარეშე, ჩვენ უზრუნველვყოფთ, სასტუმროებში გადავიყვანოთ ეს ხალხი, დროებითი საცხოვრებლით დავაკმაყოფილოთ, მოხდეს ავარიული შენობა-ნაგებობის დემონტაჟი, ახალი კორპუსების მშენებლობა და გარემონტებული ფორმით გადავცეთ მაცხოვრებლებს. კიდევ ერთხელ მოვუწოდებ და ვთხოვ დედაქალაქის მოსახლეობას, ეს უბედური შემთხვევა მაინც ავიღოთ მაგალითად, რათა მომავალში ავიცილოთ აღნიშნული ფაქტები“, – განაცხადა ირაკლი ბენდელიანმა.

მისი თქმით, მომხდარი ფაქტის მიუხედავად, რჩება სამი ოჯახი, რომლებიც აღნიშნული კორპუსიდან გასვლაზე უარს აცხადებენ.

„როდესაც საგამოძიებო მოქმედებები დასრულდება, ხვალ დილითვე, ვინც დაინტერესებული პირები იქნებით, ყველა შეგვიძლია შემოგატაროთ სასტუმროებში და განახოთ ის ოჯახები, ვინც გადულები იქნებიან. ახლაც, ამ წუთის მდგომარეობით, ხომ იცით, რა შემთხვევა მოხდა, სამი ოჯახი არის წინააღმდეგი გამოსვლაზე. კიდევ ერთხელ ვამბობ, პასუხისმგებლობით მივუდგეთ ასეთ საკითხებს, რათა ასეთი უბედური შემთხევევები ავიცილოთ თავიდან. ჩვენ მოგაწვდით ინფორმაციას, თითოეული მოსახლე შეგეძლებათ, ნახოთ სასტუმროებში და გადაამოწმოთ, როგორ პირობებში იქნებიან“, – აღნიშნა ბენდელიანმა.

სადგურის მოედნის მიმდებარე ტერიტორიაზე, საცხოვრებელ კორპუსის ნაწილი რამდენიმე საათის წინ ჩამოინგრა. ბოლო მონაცემებით, ნგრევის შედეგად, დაღუპულია ორი ადამიანი, ხოლო ერთი დაშავებული კლინიკაშია მოთავსებული.

სარეკლამო ადგილი - 11
650 x 60
უკრაინასა და რუსეთს შორის ტყვეების გაცვლის მეცხრე ეტაპი განხორციელდა
აშშ-ის იუსტიციის დეპარტამენტმა ტულსი გაბარდის მიერ გასაჯაროებული მტკიცებულებების შესაფასებლად სპეციალური ჯგუფის შექმნა გამოაცხადა
ლობიზმი არის ქრთამის ლეგალიზებული ფორმა და კონკრეტული კონგრესმენებიც იღებდნენ ამ ქრთამს, მათ შორის „ნაციონალური მოძრაობისგან“, ვისაც ფულს აძლევენ იქ
გრანტების შესახებ კანონის საფუძველზე ამოქმედდა შეზღუდვები, რამაც დაასტაბილურა ჩვენი ქვეყანა, მეტი სიმშვიდეა იმ პირობებში, როდესაც ნაკლები დაფინანსება შემოდის ექსტრემიზმის მიმართულებით
მიხეილ ყაველაშვილი შეწყალებაზე: ვიყენებ ჩემს კონსტიტუციურ უფლებას და ვთავაზობ მათ, გამოიყენონ ეს შესაძლებლობა და თავიანთ ამომრჩეველს დაუმტკიცონ, რომ ღირსნი არიან, გაიმარჯვონ არჩევნებში
არქივი