175
15 ივლისი 2025, 13:08
ევროკავშირის უმაღლესმა წარმომადგენელმა საგარეო საქმეთა და უსაფრთხოების საკითხებში, კაია კალასმა განაცხადა, რომ ევროკავშირის საგარეო საქმეთა მინისტრები ბრიუსელში დაგეგმილ შეხვედრაზე საქართველოსთვის უვიზო მიმოსვლის შეჩერების საკითხს განიხილავენ.
„ჩვენ განვიხილავთ საქართველოს საკითხს. ვხედავთ სერიოზულ უკუსვლას საქართველოში. ჩვენ ვიმსჯელებთ იმაზე, კიდევ რისი გაკეთება შეგვიძლია. მაგიდაზე ყველა ვარიანტია, მათ შორის უვიზო რეჟიმის შეჩერება და სხვა ელემენტები, რამაც, შესაძლოა, საქართველოს მთავრობა აიძულოს გათვლები შეცვალოს“, - თქვა კალასმა შეხვედრის დაწყებამდე.
გარდა ამისა, როგორც ევროკავშირის უმაღლესმა წარმომადგენელმა აღნიშნა, ბრიუსელი აპირებს საქართველოს მთავრობას გაუგზავნოს წერილი, სადაც კონკრეტული გადასადგმელი ნაბიჯების ჩამონათვალი და ვადები იქნება მითითებული, რაც ქვეყნის ხელისუფლებამ უნდა გააკეთოს, რათა უვიზო რეჟიმის შეჩერება თავიდან აიცილოს.
| სარეკლამო ადგილი - 11 650 x 60 |
