55
17 ივლისი 2025, 13:23
უკრაინის უმაღლესმა რადამ ხმათა უმრავლესობით ქვეყნის პრემიერ-მინისტრის თანამდებობაზე იულია სვირიდენკო დაამტკიცა. ინფორმაციას უკრაინელი დეპუტატი იაროსლავ ჟელეზნიაკი „ტელეგრამის“ საკუთარ არხზე ავრცელებს.
მისი თქმით, სვირიდენკოს კანდიდატურას 262 დეპუტატმა დაუჭირა მხარი. წინააღმდეგი 22 პარლამენტარი იყო. 26 დეპუტატმა თავი შეიკავა.
„რადამ მთავარი სკამი გადააადგილა: იულია სვირიდენკო უკრაინის ახალ პრემიერ-მინისტრად დაინიშნა“, - დაწერა ჟელეზნიაკმა.
ცნობისთვის, უკრაინის უმაღლესმა რადამ გუშინ პრემიერ-მინისტრის თანამდებობიდან დენის შმიგალის გადაყენებას მხარი დაუჭირა. მანამდე უკრაინის პრეზიდენტმა, ვოლოდიმირ ზელენსკიმ სვირიდენკოს მინისტრთა კაბინეტის ხელმძღვანელობა შესთავაზა. სვირიდენკო შმიგალის კაბინეტში პირველი ვიცე-პრემიერი, ეკონომიკის მინისტრი იყო.
| სარეკლამო ადგილი - 11 650 x 60 |
