26
18 ივლისი 2025, 00:48
ჩვენ ვხედავთ ნიშნებს, რომ არის მცდელობა გარედან არეულობის შემოტანისა. ბრიუსელის ზოგიერთი ნაბიჯები ამას გვაჩვენებს, რომ იქნება გარედან ქვეყნის არევის მცდელობა, - განაცხადა საქართველოს პარლამენტის თავმჯდომარემ შალვა პაპუაშვილმა გადაცემაში „იმედი LIVE“.
„ვფიქრობ, რომ ამ შემთხვევაშიც იქნება მცდელობები სხვადასხვა მსგავსი წერილების და სხვადასხვა ინსტრუმენტების გამოყენება იმისთვის, რომ მოხდეს არეულობა. ვხედავთ, რომ არის ინტერესი ქვეყნის ხელისუფლებაში საკუთარი მარიონეტები მოიყვანონ, მაგრამ ეს კინოც ნანახი გვაქვს.
ეს არის ჩვენი ხალხის სიძლიერე, კიდევ ერთხელ მინდა მადლობა გადავუხადო ქართველ ხალს. შარშან შემოდგომაზე ქართველი ხალხი დააყენეს რეფერენდუმის წინაშე, სადაც ცრუ დილემა წამოაყენეს, რომ თითქოს არჩევანი იყო ევროპას და არა ევროპას შორის. ბევრმა ელჩმა მოიხსნა ელჩის მანტია, გვერდზე გადადო ვენის კონვენცია, პირდაპირ გადაეშვა საარჩევნო კამპანიაში ევროკავშირის ელჩის ჩათვლით. აგრესიული, არაეთიკური, პირდაპირი უხეში ჩარევა არჩევნებში.
ქართველი ხალხი გამოვიდა და თქვა ის, რასაც საუკუნეების განმავლობაში ამბობდა, რომ საკუთარი თავისუფლების დათმობას არ აპირებს უცხო გავლენაზე. ვფიქრობ ახლა კიდევ უფრო უხეში იქნება ეს ჩარევა მაგრამ ქართველი ხალხისგან პასუხი იქნება ადეკვატური“, - აღნიშნა შალვა პაპუაშვილმა.
| სარეკლამო ადგილი - 11 650 x 60 |
