24
18 ივლისი 2025, 22:31
გერმანიის კანცლერმა, ფრიდრიხ მერცმა ეჭვქვეშ დააყენა 2034 წლისთვის უკრაინის ევროკავშირში გაწევრიანების შესაძლებლობა. ინფორმაციას ამის შესახებ სააგენტო Reuters-ი ავრცელებს.
მერცის თქმით, ნაკლებად სავარაუდოა, რომ უკრაინის ევროკავშირში გაწევრიანება მოხდეს იმ მომენტში, რომელიც გავლენას მოახდენს ბლოკის საშუალოვადიან ფინანსურ გეგმებზე, რომელიც 2034 წლამდეა გათვლილი.
„ჩვენთვის აბსოლუტური მთავარი პრიორიტეტია, უპირველეს ყოვლისა, ყველაფერი გავაკეთოთ ამ ომის დასასრულებლად“, - განაცხადა მერცმა.
„ამის შემდეგ ვისაუბრებთ უკრაინის აღდგენაზე. მაგრამ ამას რამდენიმე წელი დასჭირდება. ის ალბათ არც კი შეეხება ევროკავშირის ამჟამინდელ საშუალოვადიან ფინანსურ პერსპექტივას“, - დასძინა მან.
ევროკომისიის პრეზიდენტმა, ურსულა ფონ დერ ლაიენმა თებერვალში კიევში განაცხადა, რომ უკრაინა შესაძლოა ევროკავშირს 2030 წლამდე შეუერთდეს, თუ ქვეყანა რეფორმებს ამჟამინდელი სიჩქარითა და ხარისხით გააგრძელებს.
| სარეკლამო ადგილი - 11 650 x 60 |
