102
19 ივლისი 2025, 16:09
სიღარიბის მაჩვენებელი უკრაინაში ომის დაწყების დღიდან დღემდე ორჯერ გაიზარდა და 37% მიაღწია, - განაცხადა უკრაინის უმაღლესი რადის საფინანსო კომიტეტის თავმჯდომარემ, დანიელ გეტმანცევმა.
„ეს იმით აიხსნება, რომ ყველა ეკონომიკური პროცესი, რომელიც ქვეყანაში ვითარდება, დაღმავალია, იმიტომ რომ ომია. ამაზე გავლენას ნეგატიური მოლოდინებიც და ბევრი სხვა რამ ახდენს“, - თქვა გეტმანცევმა.
დეპუტატი ფიქრობს, რომ საბრძოლო მოქმედებების დასრულება ნეგატიურ ტენდენციას შემოატრიალებს. თუმცა, როგორც მან აღნიშნა, მხოლოდ მშვიდობის ლოდინი საკმარისი არ არის. საჭიროა საარსებო მინიმუმის საკითხის განხილვის დაწყება.
„მშვიდობას, თავის მხრივ, მოაქვს ის, რომ ადამიანები გამდიდრებას იწყებენ, ხოლო სიღარიბე მცირდება. ჩვენ ამის დანახვა საკუთარი სტატისტიკის წყალობითაც შეგვიძლია. 2014 წელს სიღარიბე გაიზარდა, თუმცა 2014 წლის შემდეგ ის 22%-მდე შემცირდა“, - აღნიშნა დეპუტატმა.
| სარეკლამო ადგილი - 11 650 x 60 |
