57
20 ივლისი 2025, 12:30
კომპანია Astronomer-ის გენერალურმა დირექტორმა, რომელიც Coldplay-ს კონცერტზე კამერის ობიექტივში მოხვდა, თანამდებობა დატოვა. ენდი ბაირონი, რომელიც კონცერტის დროს კოლეგა კრისტინ კებოტთან ჩახუტებული დააფიქსირეს, ამერიკული IT-კომპანიის გენერალური დირექტორის პოსტს აღარ იკავებს.
მანამდე, ბაირონიც და კებოტიც კომპანიის შიდა გამოძიების დასრულებამდე სამუშაო პროცესს ჩამოაცილებს. მედიის ცნობით, ბაირონი და კებოტი, რომელიც კომპანიაში HR-დეპარტამენტს ხელმძღვანელობს სხვა ადამიანებზე არიან დაქორწინებულები.
„ჩვენი ლიდერებისგან ელიან, რომ ქცევისა და პასუხისმგებლობის სტანდარტების მაგალითი იქნებიან, მაგრამ ბოლო დროს ამ სტანდარტებს არ იცავენ“, - აღნიშნულია კომპანიის განცხადებაში.
ვიდეორგოლი, რომელიც მასაჩუსეტში ჯგუფ Coldplay-ს კონცერტზე ტრადიციულმა „კოცნის კამერამ“ დააფიქსირა სოციალურ ქსელებში ვირუსული გახდა. მასზე ბაირონი და კებოტი ჩახუტების დროს არიან ასახულები, თუმცა როცა ხედავენ, რომ ისინი კამერამ დააფიქსირა პანიკაში ვარდებიან - ბაირონი იმალება, კებოტი კი სახის ხელებით დაფარვას ცდილობს.
სოციალურ ქსელებში წერენ, რომ წყვილს არავინ მიაქცევდა ყურადღებას, ასეთი რეაქცია რომ არ ჰქონოდათ.
| სარეკლამო ადგილი - 11 650 x 60 |
