49
20 ივლისი 2025, 13:57
საქართველოს პარლამენტის კულტურის კომიტეტის თავმჯდომარე, საზოგადოება „ქართულის“ ხელმძღვანელი, გიორგი გაბუნია ეხმიანება პრემიერ-მინისტრ, ირაკლი კობახიძის განცხადებას, ომში ჩართვის საფრთხესთან დაკავშირებით, რომელიც მან პოლიტსაბჭოს სახელით გაავრცელა.
გაბუნიას განცხადებით, ევროპის რადიკალური პოლიტიკური ძალები, რომლებიც აგრესიულ განცხადებებს აკეთებენ საქართველოს მიმართ ყველანაირად ცდილობენ, რომ ხელისუფლებამ გადადგას ისეთი ნაბიჯები, რომელიც ეროვნულ ინტერესებს არ შეესაბამება.
„ჩვენ ვხედავთ რამხელა ადამიანური ტრაგედია ხდება ყოველდღიურად უკრაინაში, როგორ იხოცებიან უკრაინის მოქალაქეები. ამ ფონზე საქართველოს მიმართ გაიზარდა და არასოდეს შემცირებულა მავნებლური ინტერესი, რომ საქართველოში გახსნილიყო მეორე ფრონტი. ჩვენ ვხედავთ დღეს მოცემულობას, რომ ევროპის ის რადიკალი პოლიტიკური ძალები და რადიკალი ბიუროკრატები, რომლებიც ყოველდღიურად აგრესიულ განცხადებებს აკეთებენ საქართველოს მიმართ, ყველანაირად ცდილობენ, რომ საქართველოს ხელისუფლება აიძულონ და გადავდგათ ისეთი ნაბიჯები, რომელიც არ შეესაბამება ჩვენი ქვეყნის ეროვნულ ინტერესებს“, - განაცხადა გიორგი გაბუნიამ.
| სარეკლამო ადგილი - 11 650 x 60 |
