მამუკა ხაზარაძე თავისი შინაარსით ყოველთვის ასოცირდება ფულთან დაკავშირებულ ნეგატიურ პროცესებთან. რას ჰქვია გაუგებრობები აღმოაჩინა, რა სისულელეა?! - განაცხადა თვითმმართველობის არჩევნებზე ოპოზიციის გეგმებზე საუბრისას ფრაქცია „ქართული ოცნების“ თავმჯდომარის მოადგილემ, ირმა ზავრადაშვილმა მამუკა ხაზარაძის და გერმანიის ელჩის გარშემო განვითარებულ მოვლენებთან დაკავშირებით.
„მამუკა ხაზარაძე თავისი შინაარსით ყოველთვის ასოცირდება ფულთან დაკავშირებულ ნეგატიურ პროცესებთან. რას ჰქვია გაუგებრობები აღმოაჩინა, რა სისულელეა?! ეს არის არც მეტი, არც ნაკლები, მაქინაცია იმისთვის, რომ თანხები დამალო და სახელმწიფოს გადასახადები არ გადაუხადო“, - აღნიშნა ზავრადაშვილმა.
„ლელოს“ ლიდერმა მამუკა ხაზარაძემ დაადასტურა, რომ თითქმის 4 წელი სახელმწიფო ბიუჯეტს გერმანულ ფულს უმალავდა და გადასახადების გადახდას თავს არიდებდა. ამის მიზეზად მან ტექნიკური გაუგებრობა დაასახელა. გერმანიის ელჩი ამ დრომდე არ პასუხობს კითხვას, რა თანხას იხდის ოპოზიციონერი ლიდერის ფეშენებელურ რეზიდენციაში, იყო თუ არა კანონი დაცული ხელშეკრულების გაფორმებისას და როგორ შედგა გარიგება.
| სარეკლამო ადგილი - 11 650 x 60 |
