ჩემთვის სამართალდამცავ ინსტიტუციაზე თავდასხმა არის მიუღებელი და ამას ექნება სამართლებრივი შეფასება, - განაცხადა შს მინისტრმა გეკა გელაძემ.
„ამ [სამართალდამცავ] ინსტიტუციაზე თავდასხმა, ნებისმიერი ფორმით, ეს იქნება ფიზიკური თუ სიტყვიერი ძალადობრივი ქმედება, რა თქმა უნდა, ჩემთვის არის მიუღებელი და ამას ექნება სამართლებრივი შეფასებბა“, - აღნიშნა გელაძემ.
ბათუმის საქალაქო სასამართლომ მზია ამაღლობელს 2-წლიანი პატიმრობა შეუფარდა. მოსამართლემ ბრალი გადააკვალიფიცირა და მზია ამაღლობელი დამნაშავედ ცნო 353-ე მუხლის პირველი ნაწილით. აღნიშნული მუხლი გულისხმობს წინააღმდეგობას, მუქარას ან ძალადობას საზოგადოებრივი წესრიგის დამცველის ან ხელისუფლების სხვა წარმომადგენლის მიმართ.
ამაღლობელი, ბათუმის პოლიციის მთავარ სამმართველოსთან, აქციაზე 11 იანვარს დააკავეს. პირველ ჯერზე, ადმინისტრაციული სამართალდარღვევის შემდეგ ის ხელწერილით გაათავისუფლეს, შემდეგ კი ამაღლობელმა სამართალდამცველს ფიზიკური შეურაცხყოფა მიაყენა - ხელი გაარტყა, რის შემდეგაც ის ისევ დააკავეს.
| სარეკლამო ადგილი - 11 650 x 60 |
