მმართველი პარტია ადგილობრივი თვითმმართველობის არჩევნებისთვის მზადებას განაგრძობს. დღეს, 17:00 საათზე, „ქართული ოცნების“ თავმჯდომარე, საქართველოს პრემიერ-მინისტრი ირაკლი კობახიძე პარტიის გორგასლის ოფისში გამართავს ბრიფინგს, სადაც საზოგადოებას წარმოუდგენს 63 მუნიციპალიტეტში მერობის კანდიდატებს.

დედაქალაქის მერობის კანდიდატად კი მმართველი გუნდის მიერ კახა კალაძე უკვე წარდგენილია. ასევე წარადგინეს თბილისის მუნიციპალიტეტის მაჟორიტარობის 25 კანდიდატი.

სახელისუფლებო გუნდი 4 ოქტომბრის არჩევნებში, 64-ვე მუნიციპალიტეტში დამაჯერებელ გამარჯვებას ელის.