ჩვენთვის მთავარი განმსაზღვრელი და ინდიკატორი იმისა, რამდენად წარმატებულია ამერიკის ახალი ადმინისტრაცია „დიფ სთეითის“ დამარცხებაზე, არის საქართველო, - განაცხადა მედიასთან საქართველოს პარლამენტის თავმჯდომარემ, შალვა პაპუაშვილმა.

„მთავარია, ყველა ქვეყანამ გააცნობიეროს, რომ ერთადერთი გავლენა, რომელიც მის ქვეყანაში უნდა არსებობდეს, ეს არის საკუთარი ხალხის გავლენა. ნებისმიერი სხვა გავლენა, სხვა ქვეყნის გავლენა შენს ქვეყანაზე არის ცუდი. ეს არის სწორედ ანტიდემოკრატია, როდესაც შენი ქვეყანა იმართება არა შენი ხალხის ინტერესებითა და გავლენით, არამედ სხვა ქვეყნის“, აღნიშნა შალვა პაპუაშვილმა.