220
15 ნოემბერი 2025, 14:31
გახარია წაიყვანეს საკუთარმა პატრონებმა და სტიპენდია დაუნიშნეს იმ ყულაბიდან, საიდანაც საქართველოში რევოლუციის მოსაწყობად ფული ძალიან ხშირად იხარჯება, - განაცხადა „ხალხის ძალის“ თავმჯდომარემ, დიმიტრი ხუნდაძემ, რითაც გამოეხმაურა გიორგი გახარიას „ჰერტის სკოლის“ სტიპენდიატობას.
„წაიყვანეს გახარია, გამოუშვეს ფიშერი, ასე, რომ დესტრუქცია გრძელდება. საკუთარ აგენტებს პატრონები პატრონობენ, მაგრამ პატრონობაც უკვე მორყეულია, რადგან სიმართლე საზოგადოების წინაშე არის უკვე თვალნათელი და ხელშესახები“, - აღნიშნა დიმიტრი ხუნდაძემ.
სალომე ზურაბიშვილის შემდეგ უცხოელმა პატრონებმა ამჯერად ორ მძიმე სისხლის სამართლის საქმეში ბრალდებული და ქვეყნიდან გაქცეული გახარია დაასაქმეს.
გახარია ზურაბიშვილის მსგავსად სტიპენდიატი გახდა, ოღონდ „ჰერტის სკოლის“. სკოლის ვებ-გვერდზე გახარიას შესახებ ინფორმაცია უკვე ატვირთულია. ყოფილი პრემიერის ბიოგრაფიაში წერია, რომ ის არის გამოჩენილი ქართველი პოლიტიკოსი, რომელსაც საქართველოში წარმატებული პოლიტიკური კარიერა ჰქონდა.
| სარეკლამო ადგილი - 11 650 x 60 |
