ზუსტად იგივე კამპანია მიმდინარეობს, რაც იყო სააკაშვილის ვითომ მოწამვლის კამპანია, ზუსტად ისევე დასრულდება ეს, როგორც სააკაშვილის კამპანია, - განაცხადა გადაცემაში „იმედი Live” საქართველოს პარლამენტის თავმჯდომარის მოადგილემ, გიორგი კახიანმა BBC-ის ფილმზე საერთაშორისო გამოხმაურებების შეფასებისას.
კახიანი არ გამორიცხავს, რომ ფილმში გაჟღერებული ბრალდებები ევრობიუროკრატებმა საქართველოს წინააღმდეგ მანიპულირების საშუალებად გამოიყენონ.
„დეკემბერში ევროკომისიის გარკვეულ გადაწყვეტილებებს ველოდებით. ეს თემა შეიძლება გახდეს გარკვეული ბიუროკრატების ხელში მანიპულირების საშუალება. სათავისოდ ამას ეს ძალები აუცილებლად გამოიყენებენ. თუმცა, იმდენად აბსურდულია ეს ყველაფერი, ყველა ერიდება, პირდაპირ თითქოს არავინ ახსენებს [პირველი მსოფლიო ომის დროს გამოყენებულ ქიმიურ ნივთიერებას], თვითონაც არ სჯერათ, რასაც ამბობენ, მაგრამ იყენებენ, როგორც მანიპულაციას“, - აღნიშნა პარლამენტის თავმჯდომარის მოადგილემ.
| სარეკლამო ადგილი - 11 650 x 60 |
