ე.წ. ქოლ-ცენტრების საქმის პროკურორის, მარიამ ბერძენიშვილის⁸რ რომანოვ-ფარცხალაძის გარდა ყველა ბრალდებულთან დიდი ხნის ნაცნობობა და „ახლო მეგობრობა“ დაადასტურა.

პროკურორის თქმით, ელისო კილაძემ პროცესზე განმარტა, რომ ოთარ ფარცხალაძეს ქოლ-ცენტრები არ ჰქონდა, სხვა შემთხვევაში მასაც ამხელდა.

„გივი ჯიბლაძეს, გიორგი კამლაძეს, ბენ ანორს, თორნიკე ჯანელიძეს - დიდი ხნის ნაცნობობა აკავშირებს და ამას არც თვითონ უარყოფდა დღეს პროცესის მიმდინარეობისას. მან დღეს დაადასტურა დავით მიქაძესთან და ირაკლი სეხნიაშვილთან ახლო მეგობრობა. ასევე დაადასტურა, რომ გიორგი მიქაძეს იცნობს. მხოლოდ განმარტა, რომ ოთარ-რომანოვ ფარცხალაძეს არ იცნობს. მანვე განმარტა, რომ მას [ფარცხალაძე] არ ჰქონდა ქოლ-ცენტრები, სხვა შემთხვევაში მასაც ამხელდა“, - განაცხადა პროკურორმა.

ინფორმაციისთვის, სასამართლომ ე.წ. ქოლცენტრების საქმეზე ელისო კილაძეს და კიდევ ხუთ პირს, მათ შორის ოთარ ფარცხალაძეს [დაუსწრებლად] , აღკვეთის ღონისძიების სახით პატიმრობა შეუფარდა.