აშშ-ის პრეზიდენტმა, დონალდ ტრამპმა განაცხადა, რომ ირანში სამხედრო ოპერაცია სავარაუდოდ, ოთხ კვირას გაგრძელდება.

„ჩვენ ვვარაუდობდით, რომ ეს დაახლოებით ოთხი კვირა გაგრძელდებოდა. ეს დიდი ქვეყანაა, ამას ოთხი კვირა, ან ნაკლები დასჭირდება“, – განაცხადა დონალდ ტრამპმა.

როგორც მედია აღნიშნავს, მისი ეს განცხადებები ქმნის ყველაზე ნათელ წარმოდგენას იმასთან დაკავშირებით, თუ რამდენ ხანს ელის შეერთებული შტატების ადმინისტრაცია სამხედრო ოპერაციის გაგრძელებას.

ტრამპმა ასევე განაცხადა, რომ შესაძლოა სამხედრო ოპერაციის შესახებ მალე კიდევ ერთი მიმართვით გამოვიდეს.

„ვემზადები ამისთვის“, – აღნიშნა აშშ-ის პრეზიდენტმა.