აშშ-ის წარმომადგენელთა პალატის სპიკერი, მაიკ ჯონსონი აცხადებს, რომ აშშ ირანთან ომს „ასრულებს“.

„ვფიქრობ, ოპერაციას ვასრულებთ. მე ასე მგონია. ვფიქრობ, ეს ძალიან მალე დასრულდება და ყველაფერი ზუსტად განრიგის მიხედვით იქნება“, - განუცხადა ჯონსონმა ვაშინგტონში ამერიკულ მედიას.

მისი ეს კომენტარი მოჰყვა დონალდ ტრამპის განცხადებას იმის შესახებ, რომ მისი ადმინისტრაცია ირანში „სწორ ადამიანებთან“ აწარმოებს მოლაპარაკებებს, რომლებსაც „გარიგების დადება“ სურთ.