ირანში აცხადებენ, რომ არაბთა გაერთიანებულ საამიროებში უკრაინული დრონების საწინააღმდეგო სისტემების საცავს დაარტყეს - უკრაინა ირანის განცხადებას უარყოფს, - ინფორმაციას გამოცემა The Guardian-ი ავრცელებს.
„დუბაიში ამერიკელი მეთაურებისა და ჯარისკაცების სამალავი დაიბომბა. ასევე, ამერიკელი სამხედროების მხარდასაჭერად არსებული უკრაინული დრონების საწინააღმდეგო სისტემების საცავიც განადგურდა“, - აცხადებს ირანის შეიარაღებული ძალების გაერთიანებული სარდლობის, ხათამ ალ-ანბიას ცენტრალური შტაბი.
უკრაინის საგარეო საქმეთა სამინისტროს პრესსპიკერმა, გეორგი ტიხიმ ირანის მიერ გავრცელებულ ინფორმაციას „სიცრუე“ და „დეზინფორმაცია“ უწოდა.
„ეს სიცრუეა და ამ ინფორმაციას ოფიციალურად უარვყოფთ. ირანის რეჟიმი ხშირად მიმართავს მსგავს დეზინფორმაციულ ოპერაციებს და ამით რუსებისგან არაფრით განსხვავდება“, - აღნიშნა უკრაინის საგარეო საქმეთა სამინისტროს პრესსპიკერმა.
| სარეკლამო ადგილი - 11 650 x 60 |
