შინაგან საქმეთა სამინისტრო ყოველწლიურ გლობალურ გარემოსდაცვით აქციას – „დედამიწის საათი“ შეუერთდა.

კამპანიის ფარგლებში, რომელიც მსოფლიო მასშტაბით ყოველწლიურად იმართება, მილიონობით ადამიანი ერთი საათის განმავლობაში ელექტროენერგიის გამოყენებაზე უარს ამბობს.

ღონისძიების მთავარ მიზანს საზოგადოებაში გარემოსდაცვითი ცნობიერების ამაღლება და გარემოს დაცვის სასარგებლოდ პასუხისმგებლობის გაზრდა წარმოადგენს.

საქართველო კამპანიას წელს უკვე მეთვრამეტედ შეუერთდა.