პატრიარქის გამორჩევა არ ხდება იმ პირობებით, ვინ ცხენით და დადის და ვინ მანქანით, არ ხდება იმ შედარებით, ვინ მეტად შეაგინებს რუსეთს, დამპყრობელს და შეაქებს ევროპას, ან პირიქით, - განაცხადა ხონის და სამტრედიის მიტროპოლიტმა საბამ ქადაგებისას.

მისივე თქმით, პატრიარქის გამორჩევა არ ხდება კიდევ სხვა იმ სურვილებით და მახასიათებლებით, რომელსაც დღეს ცოტა რაოდენობის ადამიანები ამბობენ.

„ერთი მნიშვნელოვანი რამ არ იციან ადამიანებმა, რომ ყველაფერი ზეცაში წყდება. ადამიანებმა არ იციან, რომ პატრიარქობა არ არის გარკვეული ადმინისტრაციის ადმინისტრატორობა, ან თანამდებობა. პატრიარქობა არის ტვირთი, ჯვარი, ცხოვრების წესი“, - განმარტა მეუფე საბამ.