ოპოზიციამ კარგად იცის, რომ თუ ვინმეს შეუძლია ეფექტური კოორდინაცია გაუწიოს ამ სტრუქტურებს, ეს არის მამუკა მდინარაძე და ორმაგად შეშინებულები არიან, - განაცხადა ადამიანის უფლებათა დაცვისა და სამოქალაქო ინტეგრაციის საპარლამენტო კომიტეტის თავმჯდომარე რატი იონათამიშვილმა სახელმწიფო მინისტრის თანამდებობაზე მამუკა მდინარაძის დანიშვნის შესახებ.
მისი თქმით, ეფექტური კოორდინაცია პირველ რიგში ნიშნავს მეტ უსაფრთხოებას, უფრო მეტად დაცულ საზოგადოებასა და წესრიგს.
„რა თქმა უნდა, ოპოზიციას ძალიან ეშინია დაცული და უსაფრთხო გარემოსი საქართველოში. ისინი კარგად ხედავენ, რომ თუ ვინმეს შეუძლია ეფექტური კოორდინაცია გაუწიოს ამ სტრუქტურებს, ეს არის მამუკა მდინარაძე, რომელსაც აქვს ძალიან დიდი გამოცდილება და სახელმწიფოებრივი ხედვა, ამიტომ ორმაგად შეშინებულები არიან ოპოზიციაში. ასე რომ მათ მოუწევთ საკუთარ შიშებთან შეგუება და ჩვენ გავაგრძელებთ ჩვენი ქვეყნის უკეთესი უსაფრთხოების უზრუნველყოფას", - აღნიშნა იონათამიშვილმა.
პარლამენტი დღეს „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ კანონში ცვლილებას განიხილავს.
| სარეკლამო ადგილი - 11 650 x 60 |
