უგულავა არის ნათელი მაგალითი იმისა, თუ როგორ უდგება ოპოზიცია ჩვენს ეკლესიას, ამ რადიკალებს როგორ ეზიზღებოდათ პატრიარქი და როგორ გააკეთებენ ყველაფერს, რომ ახლად არჩეული პატრიარქი შეურაცხყონ და მას ავნონ, - განაცხადა პარლამენტის ვიცე სპიკერმა ნინო წილოსანმა გიგი უგულავაზე საუბრისას.
მისივე თქმით, ეს არის მათი მცდელობა, რომ ქართული ეკლესია შავი პროპაგანდით მიაკუთვნონ რუსულს და ამით ავნონ არა მხოლოდ ეკლესიას, არამედ ნებისმიერი ქრისტიანის რელიგიურ გრძნობებს.
„ეს არის მათი წარმოუდგენელი მცდელობა, რომ ქართული ეკლესია როგორღაც შავი პროპაგანდით მიაკუთვნონ რუსულს და ამით ავნონ არა მხოლოდ ეკლესიას, არამედ ნებისმიერი ქრისტიანის რელიგიურ გრძნობებს. კიდევ ერთხელ მინდა გავაფრთხილო და შევახსენო, რომ რელიგიური გრძნობების შეურაცხყოფა არის დანაშაული და შეწყვიტონ ქრისტიანების და ჩვენი რელიგიური გრძნობების შეურაცხყოფა“, - აღნიშნა ნინო წილოსანმა.
ოპოზიციის მხრიდან ეკლესიასა და პატრიარქზე შეტევა გრძელდება. სოციალურ ქსელში განხილვის საგანია გიგი უგულავას სტატუსი, რომელიც პატრიარქს შეურაცხყოფს.
„პატრიარქი მოკვდა, გაუმარჯოს ეგზარქოსს“, - წერს ის.
| სარეკლამო ადგილი - 11 650 x 60 |
