პორტუგალიის პრემიერ-მინისტრმა, ლუიშ მონტენეგრომ რუსეთის პრეზიდენტის, ვლადიმერ პუტინის აშშ-ში გასამართ „დიდი ოცეულის“ სამიტზე მიწვევის იდეას მხარი დაუჭირა. ინფორმაციას POLITICO ავრცელებს.
გამოცემის ცნობით, აღნიშნული განცხადება მონტენეგრომ კვიპროსზე გამართულ ევროკავშირის სამიტზე გააკეთა. მისი თქმით, რუსეთთან დიალოგი კონფლიქტების მოგვარებისთვის საჭიროა.
პორტუგალიის პრემიერს აღნიშნულმა განცხადებამ ევროკავშირის დიპლომატიურ წრეებში დიდი რეზონანსი გამოიწვია. ერთ-ერთმა ევროპელმა დიპლომატმა განაცხადა, რომ მონტენეგროს წინადადება „დააჯილდოებს აგრესორს, რომელმაც მშვიდობისკენ იოტისოდენა ნაბიჯიც კი არ გადადგა“.
პორტუგალიის სხვა ოფიციალური პირების განცხადებით, პრემიერმა აღნიშნული განცხადება გააკეთა იმიტომ, რომ რუსეთის მონაწილეობა სამიტში უკრაინის საუკეთესო ინტერესებს მოემსახურებოდა.
| სარეკლამო ადგილი - 11 650 x 60 |
