ევროპა ყოველდღიურად თითქმის 500 მილიონ ევროს კარგავს, რადგან ახლო აღმოსავლეთის კონფლიქტი წიაღისეული საწვავის ფასებს ზრდის, - განაცხადა ევროკომისიის პრეზიდენტმა, ურსულა ფონ დერ ლაიენმა ოთხშაბათს.
„კონფლიქტის სულ რაღაც 60 დღეში, წიაღისეული საწვავის იმპორტის ხარჯი 27 მილიარდ ევროზე მეტით გაიზარდა ყოველგვარი დამატებითი ენერგიის გარეშე“, - აღნიშნა მან სტრასბურგში, ევროპარლამენტის წინაშე გამოსვლისას.
ფონ დერ ლაიენმა აღნიშნული კონფლიქტი წარმოაჩინა, როგორც კიდევ ერთი მტკიცებულება იმისა, რომ ევროკავშირმა უნდა დააჩქაროს იმპორტირებულ წიაღისეულ საწვავზე უარის თქმის პროცესი და ელექტროენერგიაზე გადასვლა.
„გზა წინ აშკარაა. ჩვენ უნდა შევამციროთ ჩვენი გადამეტებული დამოკიდებულება იმპორტირებულ წიაღისეულ საწვავზე და ხელი შევუწყოთ ჩვენსავე წარმოებულ, ხელმისაწვდომ და სუფთა ენერგიის მიწოდებას - განახლებადი წყაროებიდან ბირთვულ ენერგიამდე, ტექნოლოგიური ნეიტრალიტეტის სრული დაცვით“, - განაცხადა მან.
| სარეკლამო ადგილი - 11 650 x 60 |
