ძალიან რთულია, როცა არ გვაქვს ცოცხალი მაგალითი, ვცდილობთ ისტორიულად მოვიძიოთ გამოცდილება, ვკითხოთ მღვდელმთავრებს, რას ფიქრობენ იმისთვის, რომ ყველაფერი ღირსეულად ჩატარდეს, ამას ვცდილობთ, თუმცა არ არის მარტივი თემა, გვინდა ყველამ გაგვიზიაროს გამოცდილება, - განაცხადა გადაცემაში “იმედი Live” საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა ანდრია ჯაღმაიძემ პატრიარქის არჩევის საკითხზე საუბრისას.
მისივე თქმით, სინოდის ზოგიერთი მღვდელმთავარი შესწრებულია პატრიარქის ინტრონიზაციას.
“ინტრონიზაცია იქნება სვეტიცხოველში. 17 მაისამდე უნდა მოხდეს გაფართოებული კრების ჩანიშვნა. გაფართოებული კრება არის მთელი ეკლესიის ერთგვარი კრებული, ყველა ეპარქიიდან, ყველა მონასტრიდან იქნებიან წარმომადგენლები. ეს გაწერილია, როგორ უნდა შეიკრიბოს [გაფართოები კრება], თუმცა არ არის გაწერილი, ტექნიკურად როგორ უნდა შესრულდეს, ეს დეტალებშია გასაწერი. რომ შევატყობთ რომელი რიცხვისთვის ვასწრებთ ამ ყველაფერს, მერე გამოცხადდება [თარიღი], - განმარტა დეკანოზმა ანდრია ჯაღმაიძემ.
| სარეკლამო ადგილი - 11 650 x 60 |
