აშშ-ის სახელმწიფო მდივანი, მარკო რუბიო რომში ვიზიტის ფარგლებში იტალიის პრემიერ-მინისტრს, ჯორჯია მელონის შეხვდა. ინფორმაციას Reuters-ი ავრცელებს.
სააგენტოს ცნობით, რუბიოსა და მელონის შეხვედრა ქვეყნებს შორის არსებული დაძაბულობის ფონზე შედგა. აშშ-ის პრეზიდენტის, დონალდ ტრამპის ადმინისტრაცია იტალიის ხელმძღვანელობას ირანთან ომთან დაკავშირებით არაერთხელ აკრიტიკებდა.
რუბიო იტალიაში ორდღიანი ვიზიტით იმყოფება. მისი ვიზიტის მიზანს რომის პაპთან, ლეო მე-XIV-თან ურთიერთობების გაუმჯობესება წარმოადგენს, რადგან ტრამპი ბოლო პერიოდში პონტიფიკოსსაც არაერთხელ აკრიტიკებდა, წერს სააგენტო.
როგორც Reuters-ი იუწყება, მელონისთან შეხვედრამდე რუბიომ მოლაპარაკებები გამართა იტალიის საგარეო საქმეთა მინისტრთან, ანტონიო ტაიანისთან. ტაიანიმ მოლაპარაკებები პოზიტიურად შეაფასა.
„დარწმუნებული ვარ, რომ ევროპას ამერიკა სჭირდება, იტალიას ამერიკა სჭირდება. ამავე დროს, შეერთებულ შტატებსაც სჭირდება ევროპა და იტალია“, - თქვა ტაიანიმ.
| სარეკლამო ადგილი - 11 650 x 60 |
