„საპარტნიორო ფონდი“ სასტუმრო „ბორჯომი ლიკანის“ შემდგომი განვითარების მიზნით, საჯარო აუქციონს აცხადებს.

ფონდი პოტენციურ ინვესტორებს სასტუმროს აქტივების 10-წლიანი იჯარით გაცემის შესახებ წინადადებას სთავაზობს. აუქციონის პირობების შესახებ დეტალური ინფორმაცია უკვე დაეგზავნათ საელჩოებს, საერთაშორისო ორგანიზაციებსა და სასტუმრო ბიზნესით დაინტერესებულ პოტენციურ ინვესტორებს.

საჯარო აუქციონი 6 დეკემბერს გაიმართება, მინიმალური საწყისი ფასი 37 565 408 აშშ დოლარია. „საპარტნიორო ფონდი“ სასტუმრო „ბორჯომი ლიკანის“ 100%-იანი წილის მფლობელია.