492
01 აგვისტო 2020, 08:37
თბილისის მერიის ცნობით, ბარათაშვილის ხიდზე, გეგმური პროფილაქტიკური სამუშაოების გამო, მოძრაობა ნაწილობრივ იზღუდება.
„თბილისის მერია დედაქალაქის მასშტაბით ხიდების მოვლა-პატრონობას სისტემატურად ახორციელებს. წლიური ხელშეკრულების მიხედვით, კონტრაქტორი კომპანია თბილისში არსებული ხიდებისა და გზაგამტარების შემოწმებას, მათი მდგომარეობის შესწავლასა და დაზიანების შემთხვევაში, აღდგენას ახდენს.
აღნიშნული კონტრაქტის ფარგლებში, ბარათაშვილის ხიდზე სადეფორმაციო ნაკერების რეაბილიტაცია იწყება.
დაგეგმილ სამუშაოებთან დაკავშირებით, პირველი აგვისტოდან 16 აგვისტოს ჩათვლით, ბარათაშვილის ხიდზე საავტომობილო მოძრაობა ნაწილობრივ შეიზღუდება.
თბილისის მერია ბოდიშს გიხდით შექმნილი დისკომფორტისთვის“, – აცხადებენ მერიაში.
| სარეკლამო ადგილი - 11 650 x 60 |
