„ნაციონალური მოძრაობის“ წევრი სალომე სამადაშვილი პარლამენტშიმ პლენარულ სხდომაზე „ევროპული საქართველოს“ ერთ-ერთ ლიდერის გიგა ბოკერიასა და საპარლამენტო უმრავლესობის ლიდერის მამუკა მდინარაძის დაპირისპირებას გამოეხმაურა.

მისი თქმით, „ქართულ ოცნებას“ უნდა ეშინოდეს, რადგან „ცუდად აქვს საქმე“. მისივე თქმით, ამერიკულ პრესას ადამიანი ისე ვერ გადაშლის, რომ „ვინმემ ბიძინა ივანიშვილს ავაზაკი ან დემოკრატიის მტერი არ უწოდოს“.

„იმედია, ხმაურით არ შეხვდება უმრავლესობა ჩემს გამოსვლას, იმიტომ, რომ ხმაური რომ იწყება, ცოტათი შეშინებული ჩიტების ჟღურტულს მაგონებს თქვენი ხმები და უნდა გეშინოდეთ, ცუდად გაქვთ საქმე, ცუდი დღე გაგითენდათ. დასავლეთის პრესას ვერ გადაშლის ადამიანი, რომ თქვენს პოლიტიკურ პატრონს, ბიძინა ივანიშვილს ან ავაზაკი არ უწოდოს ვინმემ ამერიკულ პრესაში ან დემოკრატიის მტერი“, - განაცხადა სამადაშვილმა.